Sessor tók þátt á UTmessunni 2026, en hún var haldin í 16. skiptið um helgina. Viðburðurinn var vel sóttur, þar sem um 1.500 gestir mættu á ráðstefnudaginn og um 12.000 á opna Tæknidaginn á laugardeginum.

Á UTmessunni koma saman helstu tölvu- og tæknifyrirtæki landsins til að kynna nýjungar, deila þekkingu og sýna hvernig tæknin nýtist bæði í daglegu lífi og rekstri fyrirtækja.

Stemningin var góð og greinilegt að áhugi á upplýsingatækni er mikill og sívaxandi. Greinin er í stöðugri og hraðri þróun, bæði hvað varðar lausnir og aðferðafræði, og slík samkoma endurspeglar vel þá breidd og dýpt sem einkennir upplýsingatækni í dag.

Takk fyrir komuna!

Við þökkum kærlega fyrir komuna á básinn og þau fjölmörgu samtöl við gesti og samstarfsaðila um þróun, áskoranir og öll þau tækifæri sem uppplýsingatækni býður uppá.

Viltu vita meira um hvernig við getum stuðlað að betri rekstri hjá þínu fyrirtæki? Hafðu samband í gegnum sessor@sessor.is eða í síma 545 5100.